Tembang Daerah Dermayon
Wednesday, August 26, 2020
Add Comment
 |
| Image by Facebook Indramayu Kota Mangga |
Sedurunge nembang dolanan luwih bagus kudu weruh dikit, apa iku tembang dolanan? Tembang dolanan iku salah sawijine tembang sing ditembangaken bocah-bocah. Tapi dudu sekedar nembang bae. Uga campur karo dolanan. Sing arane dolanan tamtu bae ana gerak-gerike. Dadi tembang dolanan iku ana tembangane, ana dolanane, lan ana gerake.
Biasane tembang dolanan dilakokaken bocah akeh. bisa bocah papat, lima, enem, sampe sepuluh uga bisa. salah sawijine tembang dolanan yaiku mengkenen.
Si batur olih sekentrung
kentrunge jambe warna
tangise batang urang
tak kempang awang-awang
tak kemping iwing-iwing
batok bolu ayam kate
dalulu lulu ngglenggem
mantra-mantri tiba bogem
kukung-kukung kukung-kukung
Ning tembang dolanan iku ana bocah sing "dadi". Bocah-bocah sejene ana ning sekeliling mbari nembang lan muter-muteraken watu cilik ning duwur gigire bocah sing dadi. yen tembangan wir pragat, tibane watu ning tangane salah sawijine bocah mau.
Bocah sing dadi iku tengkurep, mbari niteni tembangan pragat, deweke kudu bisa mbadek watu ana ning tangane sapa? Yen badekane salah, deweke kudu tengkurep maning. Yen badekane bener, bocah sing nggenggem watu sing akhire "dadi".
Yen wis paham ning tembanag kuwen, yu bareng-bareng nembangaken. Terus diprakteaken, sapa sing dadi, sapa sing nembang.
Sawise nembang, coba jawaben soal ning sor iki sing ana kaitane karo tembung-tembung sing ana ning tembang dolanan.
- Ning teks tembangan iku ana aran wiwitan, yaiku .....
- Ning teks tembangan iku ana aran satoan, yaiku .....
- Sing munine awang-awang, yaiku arane .....
- Yen tak keming, munine .....
- Sing tiba mbogem, yaiku .....
Yu, nembang maning!
Sawise nembang sing kaping siji, yu nembang maning tembangan sing kaping loro, yaiku "Ula-ula Kelabang". Sedurunge nembang, coba titenana tembung-tembunge!
Ula-ula kelabang
kelabang dawa buntute
apa abang apa ireng
hap
bocah-bocah barisa
barise ula kelabang
apa putih apa abang
hap
Sawise nembang, coba jawaben soal ning sor iki sing ana kaitane karo tembung-tembung sing ana ning tembang dolanan.
- Miturut teks tembangan, sing dawa buntute yaiku .....
- Miturut teks tembangan, warna-warna ula kelabang yaiku .....
- Miturut teks tembangan, sing dikongkon baris yaiku .....
Yu nembang maning!
Sawise nembang sing kaping siji, yu nembang maning tembangan sing kaping loro, yaiku "Ula-ula Kelabang". Sedurunge nembang, coba titenana tembung-tembunge!
Ayu batur pada nonton berokan
yen berokan dolanan kaya macan
bisa ngobrol satoan apa bae
galak-galak dorogdogdog waradalah
Bapak tuwa priwen suarane jaran?
ala bapa tuwa
priwen suwarane kebo?
ala bapa tuwa
Ala bapa tuwa
priwen suarane welut?
Sawise nembang, coba jawaben soal ning sor iki sing ana kaitane karo tembung-tembung sing ana ning tembang dolanan.
- Sapa sing diajak nonton berokan
- Seni berokan iku kaya satoan apa?
- Mbeeee, mbeeee, mbeeee, iku suwarane satoan apa?
- Suwarane kucing iku kepriben?
- Suwarane satoan welut krungu beli?
0 Response to "Tembang Daerah Dermayon"
Post a Comment